اشگد تشابه بالقضیه بالسجن والغاضریه
کل جرح شایل مصاب ینثر ادموع و عتاب
****
متشابها ابکلشي بقت هاي القضیه
جثه ابسلاسل ظلت و جثه رمیه
الطاموره عابد بیها و الخیمه سبیه
و اثنیهن جرحن تره گلب الزچیه
والحزن خیم علیها والدمع تارس ادیها
الشایف ابعینه المصاب ینثر ادموع و عتاب
موسي بن جعفر صاحب الحسره الطویله
و حسین صاحب دمعه و الونه الثجیله
الکاظم عله المعصومه بس دمعه یسیله
و حسین یبچي بالغرب عایف علیله
اثنیهن شافن مصایب ودعن کل الحبایب
الشایل ابگلبه عذاب ینثر ادموع و عتاب
**
موسي بن جعفر بالسجن مرمي و ینازع
وحسین عینه اعله الخیم مرمي و یباوع
مسموم صح الکاظم و شایل مواجع
لاچنه ما فاگد تره تسعة اصابع
دمعته رسمت مقاتل عمته فوك الهزايل
الشاف اخو فوك التراب ینثر ادموع و عتاب
*
الکاظم ذوي الساق الترضرض یاهظیمه
و اخیول عشره رضن حسین ابوالیمه
سندي بن شاهك نفذ ابحقده الجريمه
والشمر بالطف صار یضرب چم یتیمه
صوبو نهج الأمامه والحقد عدهم علامه
الچبده بالسم وسفه ذاب ینثر ادموع و عتاب
****
هاذه الغریب امنین یم راسه صاحو
وین اهله راحو وین عن عینه راحو
کلها اعله هاذه الحال یم نعشه طاحو
ظلو ابعالی الصوت یم جثته ناحو
راح امام الرافضیه حضرت الزهره الزچیه
العنده یومیه مصاب ینثر ادموع و عتاب
***
لخادم الحسین علي فلاح الواسطي
23رجب
الرئيسية