شهادة الامام الكاظم عليه السلام

اجينه المرقدك زوار
وانت الماترد خطار
****
اخوة زينب الحره
جينه بموكب ونقره
رايات الحزن عبره
والموكب يشب بالنار
*
السلطانه اجت هاليوم
بموكب عزه للمسموم
شور ونقره للمضلوم
ميهمنه لجره والصار
*
الطم وافقد احساسي
لطمت وجهي وي راسي
بغيرة مثل عباسي
كل خادم يصيح الثار
عابس يمشي ويانه
فطرس يلطم احذانه
مجنونك صحت انه
للكاظم مشت انصار
بالموكب وادگ صدري
شور اقره واحس تدري
فاطم تقبله عذري
تعرف خدمة الاحرار
ميهمني لحچه عالشور
وحك حسين مامعذور
اسمع يالتلف ودووور
اخر هذا الك انذار
الشاعر جبار عبد الزهرة الشويلي