آه يانــــــار السجيـــــن ( نزله في إستشهاد الأمام الكاظم عليه السلام)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
آه يانــــــــار السجيــــــن === كاظم الغيض الحزين
ــــــــــــــــــــــــــــــــــــــــــــــــــ ـــــــــــــــ
سابـــع العتـــره إمامــي == ذاب ﮔلبه إمن السجون
دمعتي ويـّه هيامـــــي == جرّحت منـّي الجفون
وأبعث الموسى سلامي == نازفــــه إعليه العيون
يكشف الكاظم ظلامـــــي == كل صعب يمـّه يهون
ﻳﮔضي حاجاتي الأمام === يعجز إيوصفه الكلام
هذا إبن طه الأمين === كاظم الغيض الحزين
ـــ
لو زرتهـــــــــا الكاظميّه == روحي ما تصبر تروح
للأمام إبن الزﭼيـّه == تنسه همها والجروح
بالصحن أرفــع إديـّه == أدعي بارينه وأبوح
تنكشف عنـّي الرزيـّه == وأنظـُر إمرادي يلوح
وإبضريـح الطيبـّين === أدعي رب العالمين
يرفع الهم الدفيـــــــن === كاظم الغيض الحزين
ـــ
حالـَف السجده الطويله == نبعــــة الهادي الرسول
صار للباري وسيله == يشفـع إبيوم المثول
للموالي الهم يزيلــه == يحظه سعيه بالقبول
والظـَلـَم موسى يويله == تغضــب إعليه البتول
يغضب إعليه القديــر === حظـّه نيران إو سعير
ما ينظره إو ما يعين === كاظـــم الغيض الحزين
ــــ
صابر إبهمـّّه إو يكابــد == ما رغب بيها الحياة
هذا إبن جعفر يجاهد == واجــــــه الشر والطغاة
ما ﻟﮔـه الينصـُر يساند == نـُصرتــــــــه بيها النجاة
سمـّه هارون اليعاند == وإنولـد حين الممات
نال مجده والخلود === لله إوفاها العهــــــــود
يعبد إبحـُب إو يقيـــن === كاظم الغيض الحزين
ـــــ
واجب إنعزّي الشفيعه == نرفع أعلام الســـواد
صوّبت ﮔلبــه الفجيعه == موسى ينبوع السداد
والحزن عم الوسيعـه == حزنت السبع الشداد
والعزه الحامي الشريعه == يلعن أشرار العبــــــاد
يحضر إويانـــه العزاء === يسمع المهدي النداء
نازفه إجروحه إو طعين === كاظـم الغيض الحزين
ـــ
من إبن جعفر عزمنه == ما نهاب الظالميـــــن
بالمجد عالـــي علمنه == ﻧﺳﺣﮓ الطاغي اللعين
رافضه إو يزهي إسمنه == وإبأميــــــــــر المؤمنين
قايم العتـــــره اليلمنه == ﻧﻌﺷﮓ المهدي إبحنين
نمشي ويّاه الوجيـــــــــه === ما نضيع إو ما نتيه
نهتدي إبنور الجبيـــــن === كاظم الغيض الحزين
الشاعر جابر النجفي